الحماة والكنة في التراث الفلسطيني

رقم المشاركة : ( 1 )

[frame="1 80"]في احدى اعراسنا الفلسطينية ما كانت الحماة راضية عن كنيتها "عروسة ابنها "

فحبت الحماة تزف ابنها وعروسته ع طريقتها الخاصة

وقفت قبال العروس وقامت وآاهت....

آويها يلي قاعدة بحد ابني .....

آويها ما فيكي شي عاجبني.....

اويها هلأ بتحكي حبني....

اويها بكرة بتحكي كبني....

اويها و ان ما مشيتي دغري....

اويها لتلاقي بيت الضرة مبني.....

لولولولولوليش

قامت ردت عليها العروس وقالت ...

آويها وحيات شالك وشنشالك....

آويها بعد اسبوع لافضالك....

اويها و انشاء الله فال الله و لا فالك ....

و اويها و داء الفالج جالك ....

اويها لاشغل بالك و انهب مالك....

اويها و ابنك ما بيهنالك....

اويها و بعدها لافرجيكي حالك....

لولولولولوليش

اما العريس المسكين احتار بامره بين مرته وامه ورد وقال:
اويها وصارت براسي ..

اويها وقطعت نفاسي ...

اويها ومهرها غالي ..

اويها وأمي رافضتها ...

اويها و بدها بنت خالي ...

اويها وعجلولي بجوازي ..

اويها احسن من الجازي ...

لولولولولوليش

والباقي عندكم

تحياتي
[/frame]

كُتب : [ 03-23-2012 - 10:04 PM ]

هههههههههههههههه
من زمان ما اسمعنا هيك زغاريت
ما في احلى من التراث
ياريت اعراسنا ترجع زي زمان

كُتب : [ 03-25-2012 - 09:09 PM ]

نسأل الله العافية

هاي مش كنة و حماة

هاي حرب نسائية

الله يكون بعون العريس

كُتب : [ 03-25-2012 - 09:33 PM ]

يلي بدو يريح راسه يخلي امه اتجوزه على مزاجها

كُتب : [ 03-26-2012 - 04:05 PM ]

مشكورين اخواني ( ام نور@ أبو خبيب@ لطيفة) على طيب مروركم

كُتب : [ 03-26-2012 - 07:33 PM ]

[frame="1 80"]
اصة الحماة والكنة عمرها ما بتنتهي
[/frame]

كُتب : [ 03-26-2012 - 08:04 PM ]

شو أبو رشاد
هالأيام رايقة أعصابك
يا عم هنيالك ....شغلت الشباب بالتوزيع
وأنت هيك بتزغرد
الله يديم عليك وأسرتك السعادة ...ونسمع الزغرودة بعرس رشاد

كُتب : [ 03-27-2012 - 04:59 PM ]

مشكورة اخت سهاد ....

كُتب : [ 03-27-2012 - 05:03 PM ]

اقتباس :

شو أبو رشاد
هالأيام رايقة أعصابك
يا عم هنيالك ....شغلت الشباب بالتوزيع
وأنت هيك بتزغرد
الله يديم عليك وأسرتك السعادة ...ونسمع الزغرودة بعرس رشاد
__________________

الله يرضى عنك أخي ابو ألأرقم

الحماة والكنة في التراث الفلسطيني

استراحة المنتدى