تفسير المثل السوري "طب الجرة على تمها بتطلع البنت لامها"
لما كانت البيوت عربية وكان في أرض ديار وليوان وسطح وبيت مونة...
كانت الأم دائما" تنشر الغسيل على السطح لأنو السطح شبه محرم على البنات وكانت البنت تحوص بأرض هالديار..
ووقت الأم بدها شي من بنتها أكيد ما كانت تصرخ علشان تناديها... لانهم يعتبروا صوت المرأة عورة.. هديك الأيام طبعاً!!
... مشان هيك كان في دائما" جرة على السطح...
لمّا الأم بدها تنادي البنت كانت تقلب الجرة وتطبها على تمها وكان يطلع صوت من اصطدام الجرة بالأرض...
ولما بتسمع البنت هدا الصوت بتعرف أنو إمها بدها منها اشي وبتطلع لعندها....
وهيك صار المتل ...طب الجرة على تمها بتطلع البنت لأمها... !!
مش يعني مو متل مالنا مفكرين المثل انه طباع البنت بتطلع متل طباع الأم
طب الجرة على تمها
العرض الشجري