السلام عليكم ورحمة الله و بركاته
كيف حال الاعضاء
رح اشرح عن الهكر حتى يستفيد الاعضاء وقدرو يحمو حالهم منو

اول شي قال تعالى : { ولا تجسسوا ولا يغتب بعضكم بعضا }
هذا دليل على حرمة التجسس يعني يا ابو اشباب توب احسن الك

من هم الهاكرز ؟
هم الأشخاص الذين يخترقون جهازك فيستطيعون مشاهدة ما به من ملفات أو سرقتها أو تدمير جهازك أو التلصص ومشاهدة ما تفعله على شبكة الإنترنت .

ما هي عملية الهاكينج أو التجسس ؟
هي عملية التجسس أو الاختراق حيث يقوم أحد الأشخاص الغير مصرح لهم بالدخول إلى نظام التشغيل في جهازك بطريقة غير شرعية ولأغراض غير سوية مثل التجسس أو السرقة أو التخريب حيث يتاح للشخص المتجسس (الهاكر) أن ينقل أو يمسح أو يضيف ملفات أو برامج كما أنه بإمكانه أن يتحكم في نظام التشغيل فيقوم بإصدار أوامر مثل إعطاء أمر الطباعة أو التصوير أو التخزين.

ما هو اخطر انواع الهكر واي نوع سهل الاختراق؟
للهكر انواع وهي هكر المواقع (شغلتو يسرق مواقع اويضربها "بالعربي يعيد عن الناس العاديين") هكر الاجهزة ( الدخول إلى اجهزة الكمبيوتر العادية و يقوم بما يحلو له "لا تخافو منو احلو بإيدينا")
هكر العضويات (شغلتو سرقة العضويات بشكل عام مثل عضويات المنتديات او عضويات الايميلات او حتى عضويات القيمزر او اي عضوية تخطر على بالك "كيف طيب : هلاء بتعرف كيف لا تستعجل الامور")
والاسهل هو هكر العضويات

طيب كيف بقدر يسرق او يخترق هذا الهكر ؟
الهكر الحقيقي هو الهكر الذي يعلم بلغات البرمجة لتسيرها كما يريد و للسيطرة من خلالها اما الشباب الي بجيب برامج هكر من النت (يا عيوني على فاضي لانها كلها ملفات تجسس يعني بتغدوفيك قبل ما تتعشا في حد)ومن خلال هذه اللغات بقدر يصنع العديد من ملفات التجسس او ما يسما بالسيرفر او الباتش او غيرها

ما هي هذه الاشياء ؟؟
ملفات التجسس : هي ملفات عندما تقع في جهاز الضحية تختفي و تقوم بجمع المعلومات عنه و إرسالها عبر النت فقط (يعني الانتي فايروس ما بقدر يمسكها ؟؟ المبرمجة لا طبعا لانو الهكر بتعمد يبرمجها بالاطار البرامج العادية لكن عندما تمسك هذه الملفات فإن جميع برامج الانتي فايروس تخزنها في قاعدة البيانات حتى اذا اجت على الجهاز كمان مرة يمسكها على طول ) بس المشكلة ان الهكر يصنع بنواع مختلفة لا يستطيع الانتي فايروس ملاحقتها جميعها .
السيرفر : هو البرنامج الخادم لصاحبة الهكر يكون عادة في جهاز الهكر فقط شغلتو يستقبل معلومات او من خلالو بيتحكم الهكر بالاجهزة الاخرى (طبعا بكون هو الي مبرمجو مش من انت لانو جميع الي في النت فيها ملفات تجسس انتبه)
الباتش : هو العميل للخادم "السيرفر" يكون في جهاز الضحية ويقوم بالاتصال مع السيرفر من خلال رقم IP الخاص بجهاز الضحية و يقوم بفتح منفذ استقبال بيانات PORT و يقوم السيرفر بإعطاء اوامر للباتش او العميل و يقوم العميل بتطبيقها في جهاز الضحية كإرسال ملفات معية من جهاز الضحية إلى جهاز الهكر .(طبعا زي ما قلنا كلو ببرمجة الهكر مش برامج عادية )(وصعب يمسكو الانتي فايروس لانو متجدد)
برامج المحادثة المزورة : هي برامج تجسس يقوم الكهر ببرمجتها وهيه نسخة طبق الاصل عن المسنجر العادي لكن بالداخل هي ليست مسنجر حقيقي .
صفحات انت المزورة : هي صفحات نت تشبه مواقع معينة كالفيس بوك او كموقع الهوتميل او الياهو وهي نسخة طبق الاصل عن تلك الصفحات بالشكل لكن من الداخل هي صفحات تجسس
يقوم المبرمج الهكر ببرمجتها و رفعها على مساحه في انت.
برامج التخمين : هو برنامج كاذب جدا جدا يقوم معظم الشباب الجهلة بتنزيلة من انت قال ليش قال عشان يخمن كلمة السر لإيميل صاحبو ههههههه هاي البرامج صنعات على ايدي هكر وهي تتجسس عليك قبل ما انت تتجسس على صاحبك يا حلو و بالنهاية مش رح تعطيك شي لانو نسبة نجاحها 0.000001% و بعد عشرين سنه ان شاء الله .( يعني فكك من هشغلة احسلك)
اخر طريقة وهي اخطر طريقة : عقل الهكر !( شو عقل الهكر هاد) زي ما بقلك دائما الهكر يبحث عن طرق جديدة و مخفية في الاختراق والتجسس.

طيب كيف بقدر احمي نفسي ؟؟ منو هل هكر هاد؟
انا بقلك كيف خلينا نبلش بشغلة شغلة
اول شي ملفات التجسس :شوف يا اخوي مستحيل الهكر يوصل ملفات التجسس هيك لعندك إلى في طرق معينه وهي 1. عن طريق رسالة في الايميل بتقلك نزل هشغلة (الحل لا تنزل او تكبس على اي رابط من جهة مجهولة ) 2. عن طريق المسنجر ببعتلك ملف ممكن يقول انها لعبة فلاش صغيرة وفعلان انت بس تفتحها بتلاقيها لعبة حلو بس من ورى ملف تجسس (الحل لا تقبل من حد ما بتثق فيه)3. قد تكون المفات اصلا مزروعة في مقاهي انت (الحل تفتح شي خاص بك من مقاهي انت)
4. من خلال الفلاش او السي دي الي اخذتو من صاحبك (الحل لا اعلم انت يجب ان تعرف ناس محترمين اول شي ههههههه)

الباتش : شوف يا خوي كمان الهكر ما يقدر يوصل الباتش إلى بطرق تشبه طرق ملفات التجسس يعني 1. عن طريق رسالة في الايميل بتقلك نزل هشغلة (الحل لا تنزل او تكبس على اي رابط من جهة مجهولة ) 2. عن طريق المسنجر ببعتلك ملف ممكن يقول انها لعبة فلاش صغيرة وفعلان انت بس تفتحها بتلاقيها لعبة حلو بس من ورى ملف تجسس (الحل لا تقبل من حد ما بتثق فيه)
3. قد تكون المفات اصلا مزروعة في مقاهي انت (الحل تفتح شي خاص بك من مقاهي انت)
4. من خلال الفلاش او السي دي الي اخذتو من صاحبك (الحل لا اعلم انت يجب ان تعرف ناس محترمين اول شي ههههههه)

طيب خلصنا من ملفات التجسس او الباتش طيب وبرامج المحادثة المزورة ؟
ممكن حد يقول بعقلو طيب انا شو عرفني انو هاد مسنجر مزور مش حقيقي و من وين اجيب مسنجر اثق به حقيقي ؟(سهلة لا تنزل مسنجر من منتديات او مواقع عادية بل نزل المسنجر من موقع شركة مايكروسوفت او من موقع الياهو نفسو)

طيب و صفحات انت انا شو عرفني انها مش مزورة مهي نفس شكل الحقيقية ؟
سهلة و بسيطة جدا جدا الهكر يستطيع عمل صفحات نت طبق الاصل لموقع لكن لا يستطيع ايضأ و ضع هذه الصفحات في نفس رابط المواقع الحقيقية كيف يعني ؟
مثلا موقع الهوت ميل هذا رابطو
https://login.live.com
اما الهكر سوف يحاول تقليد شكل الرابط مثلا
https://login.live.net
https://login.llive.com
https://login.love.com
https://logon.live.com
https://login.live.0fees.com
https://login..live.com
إلى الخ .....
يعني انكشف هههههههه

طيب و برامج التخمين : يا خي مانا قلت عنها انساها هاي كلام فاضي .

طيب ظل العقل (عقل الهكر) يا زلمة لا تخاف انت قضيت على 99% من طرق الهكر يعني معقول ممكن تصيب هل 1% ههههه هي ممكن الاحتمال موجود بس للهكر المتمكن و القوي جدا جدا جدا و بالعربي الي حاطك براسو بس يعني لا تخاف ان شاء الله ما بصيبك ضرر .

بس يمكن بعض الشباب يقول طيب انا انسرق ايميلي و رجعتو بسرعة قبل ما يغير الهكركلمة السر وفرمتت جهازي و بعديها ما قليت الى ايميلي رد انسرق (وين المشكلة يا فهيم)

صحيح انت قدرت تغير كلمة السر بسرعة وقرمتت جهازك من الباتشات او ملفات التجسس اوغيرها بس مش قلتلك في اشي اسمو عقل الهكر في هاي انقطة بالذات استطاع الهكر يسيطر عليك ويوهمك انو الايميل انسرق دون ملفات تجسس حتى تهاب بس انا بقلك وين غلطتك يا افندي غلطتك انك انسيت تغير السؤال السري تبع الايميل و الهكر هو الي حاطط هذا السؤال وبكل بساطة قدر يغير كلمة السر .

طيب يا اخي انا غيرت كلمة السر قبل ما يرد يسرقو ( انا بقلك درهم وقاية خير من قنطار علاج )
يعني مهو صار في سيطرة الهكر كان لازم تحمية ...

طيب انا هلاء شو اسوي ؟؟؟ بعد ما انسرق عشان فيه عليه ايميلات مهمة (كان لازم تعمل نسخة من الايميلات الموجودة في ايميلك و اذا انسرق بتعمل ايميل ثاني و بضيف كل الايميلات )

طيب كيف بدي اعمل نسخة
عن طريق موقع Hotmail
نفتح الصفحه الي ندخلهآ منهآ البريد ,

وبعدهآ ندخل ,

خيآرآت > خيارات اضافية
تصدير جهات الاتصال

ولأستيرآد جهآت الأتصآل نفس الخطوآت الي بالصور لكن بدل تصدير نختآر أستيرآد ,

و بالنهاية ارجو ان يكون الشرح مفهوم للجميع
وشكرا جزيلا لكم انتم اصحاب هذا المنتدى الرائع
واذا كان هناك اخطاء في الكتابة حقكم علي عشان كتبتها بسرعه

فعلا هذه معلومات قيمة ولا يعلمها كثير من الناس
حدث معي مرة ظهرت بطاقة بالمسنجر
وانا استغربت كيف دخل هذا الشخص واخد يكلمني كتابة طبعا ومن خلال الحديث
اعتذر لي علشان اقتحم جهازي وحكالي انو هو هكر بس طلع هكر محترم الظاهر :)
وطلب مني افرمت الجهاز لانو صار فيو فايروس
نسال الله ان يكفينا شر الهكر واتباعه .وان يحمي اجهزتنا منهم ......

ملاحظه
اطلب من الاخوة من صار معه شئ من هذا القبيل ان يذكرة حتى ناخد العبرة من ذلك

بداية باسمي وباسم كل الاخوة والاخوات في منتدانا الطيب ارحب بانضمامك لاسرتنا ونثمن جهودك الطيبة نسال الله ان يجزيك عنا كل خير

فعلا هذه معلومات قيمة ولا يعلمها كثير من الناس

حدث معي مرة ظهرت بطاقة بالمسنجر وانا استغربت كيف دخل هذا الشخص واخد يكلمني كتابة طبعا ومن خلال الحديث اعتذر لي علشان اقتحم جهازي وحكالي انو هو هكر بس طلع هكر محترم الظاهر :) وطلب مني افرمت الجهاز لانو صار فيو فايروس

نسال الله ان يكفينا شر الهكر واتباعه .وان يحمي اجهزتنا منهم ......

ملاحظه اطلب من الاخوة من صار معه شئ من هذا القبيل ان يذكرة حتى ناخد العبرة من ذلك

اخي ايمن انت بجد رائع جدا

على صغر سنك الا انت بطللللللللللللللللل

معلومتك كتير مفيدة لينا

ورح اطلب من جميع الاعضاء انهم دائما يقرأوا كل موضوع بتنزله للاهمية

كتر من مواضيعك هادي المفيدة لينا ويلي بنجهلها اكيد

في ميزان حسناتك ان شاء الله اخي الكريم